20 سؤال وإجابة على مشروع البحث المقدم من وزارة التربية والتعليم ردًا على استفسارات أولياء الأمور
السلام
عليكم ورحمة الله وبركاته
زائرنا
العزيز نقدم لك العديد من الأسئلة والاستفسارات وإجاباتها حول المشاريع البحثية
1 ـ هل تسليم البحث ورقي للمدرسة متاح للجميع والا لفئة معينة ؟
ـ التسليم
ورقي متاح للجميع ، سواء من الفئات الخاصة زي الطلاب المنازل ، أو أبناؤنا في
الخارج ، أو طلاب الخدمات ، أو طلاب الدمج ، أو حتى معندكش امكانية تسليمه إلكترونيا
، يبقى الأمر متاح للجميع.
2 ـ تسليم البحث ورقي للمدرسة هل في ورق فلوسكاب والا لازم ورق بحث؟
ـ كل الخيارات متاحة ، ورق فلوسكاب مفيش مشكلة ،
ورق أبحاث ملون مفيش مشكلة
3 ـ تسليم البحث ورقي للمدرسة هل لازم قوالب الوزارة يعني الشكل اللي منزلاه الوزارة؟
ـ لا طبعا
مش لازم ، الوزارة كانت منزلاه استرشادي فقط ، المهم عناصر البحث كلها تكون موجودة؛
لأنها هي اللي عليه التقييم .
لكن من
رأيي قوالب الوزارة منظمة وشكلها حلو ، حتى لو مش هتكتب على نفس القوالب ممكن في
ورق البحث اللي معك اعمل نفس التنظيم
4 ـ أنا مش عندي القوالب دي، أو عندي القوالب لكن بصيغة pdf ومش عارف اكتب عليها .
ـ اضغط ( هنا )
هيدخل على رابط نزل منه الملفات الخاصة بصفك .
5 ـ تسليم البحث ورقي بخط الطالب والا ممكن نكتبه على الكمبيوتر واطبعه ؟
ـ كلا
الأمرين متاح ، بخط الطالب أو مطبوع مفيش مشكلة
6 ـ هل ينفع ولي الأمر يكتبه بخطه ؟
أنا أفضل الطالب يكتب بنفسه علشان يتعود ويشعر بالإنجاز ، كمان علشان
يكون الأمر واقعي .
7 ـ مين هيصصح الأبحاث على المنصة أو في المدرسة ؟
كل مدرسة
هتختار مدرسين من مختلف المواد ، وهيقييم أبحاث مدرسة غير مدرستهم ، أما على
المنصة ، في كل مديرية يوجد منتدبين من قبل الوزارة هم اللي يقيموا البحث
8 ـ درجة النجاح من كام ؟
البحث
مفيهوش درجات ، لكن هيكون بالتقييمات ، ( اجتاز أو لم يجتاز )، مقبول يبقى عديت
السنة ـ غير مقبول يبقى فيه دور تاني قبل العام الجديد ما يبدأ.
9 ـ الدور الثاني هيكون امتحانات والا ابحاث ؟
في الغالب حتى الآن التصريح بامتحان في الترم الثاني في اللي درسه حتى يوم 15 مارس
10 ـ فيه اي مصاريف او اجراءات أثناء التسليم في المدرسة ؟
ـ لا مفيش اجراءات ، مفيش حتى اي
اكواد ، مفيش علاقة بمصاريف الدراسة , فقط وصل هتستلمه من المدرسة باالتسليم
11 ـ هل هينفع ابعت البحث بصيغة word على
المنصة ، لأني مش عارف اعمله بصيغة pdf ؟
ـ لا مينفعش تحميل وورد، لازم
بصيغة pdf ،
وانا شرحت كيفية تحويل اللورد لصيغة ب دي اف بطريقة سهلة بدون برامج ، في الفيديو
ده
12 ـ البحث جاهز ، وعايز اسلمه ، اسلمه امتى ؟
التسليم
إن شاء الله سواء في المدرسة أو على المنصة ، هيكون من يوم 9 ما يو إلى يوم 16
مايو.
13 ـ دخلت على منصة إدمودو لكن ملقتش ( تحميل مشروع البحث ) اعمل ايه ؟
تفعيل
تحميل مشروع البحث هيكون متاح بداية من يوم 9 مايو ، قبل كدا مش هتلاقيه
14 ـ هل ممكن أسلم البحث للمدرسة على أسطوانة ؟
لا طبعا ، عندي طريقتين مفيش غيرهم
، ورقي للمدرسة ، أو إلكترونيا على المنصة
15 ـ المدرسة طلبت مننا البحث ورقي، حتى لو أنا قدمت إلكتروني . بحجة انه هيوضع في ملف إنجاز الطالب ؟
لأ طبعا مفيش الكلام ، تقديم البحث
يقدم مرة واحدة بس مش مرتين
16 ـ احنا مجموعة مع بعض عملنا بحث واحد هنسلمه ازاي
هتكتبوا الاكواد بتاعتكم كلكم على
الظرف ، والصف الدراسي ، وبس كدا.
17 ـ أنا مشترك مع مجموعة وهنحمل البحث إلكتروني ، هنحمله ازاي ؟
الملف هتسميه برقم كود واحد فيكم
بس ، وجنب الكود اسم الصف بتاعكم بكيفية معينة ، والطريقة سهلة ، كلها شرحتها في الفيديو ده ، علشان تعرف كل تفاصيل ارسال المشروع
ـ18 ـ هأعرف ازاي ان البحث اتقبل وعديت السنة ؟
ـ هتعرف من مدرستك وقت إعلان النتيجة بعد الانتهاء من تقييم الأبحاث
19 ـ ـ وانا بكتب البحث في مواد مش لاقي لها أسئلة في البحث ، وهل ينفع أجيب إجابات من دروس معينة في الكتاب
شوف احنا ادامنا سؤال بيتكلم عن
نقطة معينة ـ أي مكان تلاقي فيه الإجابة خدها واكتبها ومفيش أي مشكلة ، مش شرط خالص
استيفاء كل المواد ، فيه مواد ملهاش اسئلة عادي جدا , أهم شيء في نهاية البحث تكتب
اسم المراجع ، حتى لو كان المرجع ده مش في صفك الدراسي
20 ـ أنا لسه مش عارف أعمل البحث ازاي ، وجيبه منين ؟
شرح السؤال ده هيطول جدا ، علشان
كدا كنت عامل له فيديو مخصوص , في كل شيء يتعلق
بكتابة البحث.
كدا وصلنا لنهاية المقال لو عايز تشاهد فيديو شرح الأسئلة دي كلها اضغط ( هنا )
تعليقات
إرسال تعليق